Conferéncia dera IALC, Galles 2024
Viu era tua lengua: Aumentar er usatge des lengües minoritàries e oficiaus
Era ueitau conferéncia dera Associacion Internacionau de Comissionadi de Lengua (IALC) aurà lòc enguan en Galles er 11 de junh. Era conferéncia serà ua oportunitat entà explorar es efèctes reaus de legislar en favor des lengües en Galles, entre d’auti païsi. Ath delà de sessions practiques enes quaus se compartirà era experiéncia des institucions galleses, i aurà intervencions des següents ponents principaus:
- Raymond Théberge, comissionat de lengües oficiaus, Canadà
- Professor Fernand de Varennes, exrelator espaciau dera ONU sus ahèrs realtius as minories
- Professor Rob Dunbar, representant deth Reiaume Unit ath Comitat d’Expèrts dera Carta europèa des lengües regionaus o minoritàries
Recordings of these sessions can be found here: https://languagecommissioners.org/Videos-IALC-conference-2024.
Watch Professor Colin H. Williams welcoming IALC members and delegates to Wales:
A short video celebrating the highlights of the events can be viewed here:
Aguest acte compde damb eth supòrt deth govèrn de Galles.
Era comissionada de lengua gallesa, Efa Gruffudd Jones, ei era actuau presidenta dera IALC. Era conferéncia se celebrèc per darrèr còp en Galles en 2017.
Inauguracion oficiau dera Conferéncia dera IALC
Abans dera conferéncia aurà lòc era inauguracion eth 10 de junh en Cardiff Bay. Aguest acte serà era escadença de celebrar es dètz ans dera creacion dera IALC, en companhia de:
- Efa Gruffudd Jones, comissionada dera lengua gallesa e presidenta dera IALC
- Delyth Jewell MS, presidenta dera Comission de Cultura, Comunicacions, Lengua Gallesa, Espòrts e Relacions Internacionaus
- Professor Fernand de Varennes, exrelator especiau dera ONU sus ahèrs relatius as minories
Era reconeishuda poètessa Mererid Hopwood liegerà eth poèma qu’a escrit especiaument entà commemorar era escadença, e eth musician e compositor Gwilym Bowen Rhys e eth còr Ysgol Hamadryad seràn es encargadi d’amenizar era serada.
Tietz en compde que sonque es persones damb invitacion poderàn assistir ara inauguracion.
Aguest acte ei patrocinat per Delyth Jewell MS.
Un agraïment especiau a Darwin Gray pera sua generosa contribucion.
Annual General Meeting 2024
